ކެފޭއެއްގެ ދުންހޮޅިން ބަދިގެ ތެރެއަށް ދުން ލީކުވުމުގެ ސަބަބުން ބަދިގޭގައި ތިބި 7 މީހަކު އަނބުރައިގަނެގެން ފަރުވާ ދެމުންދާ ކަމަށް ފުލުހުން ބުނެފިއެވެ.

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ހާމަ ކުރެއްވި ގޮތުގައި ސްރީލަންކާގެ އަސްކަރިއްޔާ އާ ގުޅިގެން އެމްއެންޑިއެފުން ހިންގި ބޭސިކް އީއޯޑީ ކޯސް ނިންމާލާ، މިއަދު ވަނީ އެމްއެންޑީއެފް ގެ އެމްއެންޑީއެފް ސަދަން އޭރިއާ ކޮމާންޑް، ހެޑްކުއޯޓަރޒްގައި ރަސްމިއްޔާތެއް ބާއްވާފއެވެ. އެމްއެންޑީއެފް ގެ ސަދަން އޭރިއާ ކޮމާންޑުގައި ކުރިއަށް ގެންދިޔަ މި ކޯސް ކުރިއަށް ގެންގޮސްފައިވަނީ މި އަހަރުގެ މާރިޗު 24 އިން ފެށިގެން މޭ 11 ގެ ނިޔަލަށެވެ. އެމްއެންޑީއެފުން ހާމަކުރެއްވިގޮތުގައި މި ކޯހުން 27 ސިފައިން ވަނީ ދަސްވެނިވެފައެވެ.

ޢިއްޒުއްދީން ފާލަން ތަރައްޤީ ކުރުމުގެ ޢަމަލީ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމް.ޓީ.ސީ.ސީން ފަށައިފިއެވެ. ޢިއްޒުއްދީން ފާލަން މަރާމާތުކުރުމުގެ މަސައްކަތް ފަށާފައިވަނީ، އެ ފާލަން މަރާމާތު ނުކޮށް ގިނަ ދުވަސްތަކެއްވެ، ފާލަން ވަރަށް ބޮޑަށް ވީރާނާވެފައިވާތީއެވެ. އެހެންކަމުން، މިހާރު ހުރި ފާލަން ރޫޅާލުމަށްފަހު އަލުން އެތަން ތަރައްޤީކުރުމަށް ފާލަން ވަނީ މިހާރު ބަންދުކޮށްފައެވެ.

އިލެކްޝަންސް ކޮމިޝަން (އީސީ) އިން މިއަދު އިޢުލާންކުރެއްވި ގޮތުގައި، ޖޫން މަހުގެ 8 ވަނަ ދުވަހު ބާއްވަން ހަމަޖެހިފައިވާ ބައި އިލެކްޝަނަށް ކުރިމަތިލާން ހުޅުވާލުމުން، މުއްދަތު ހަމަވީ އިރު ކުރިމަތިލާފާއިވަނީ އެންމެ ކެނޑިޑޭޓެއް ކަމަށެވެ. އެހެންކަމުން ށ.ފުނަދޫގެ އަންހެން މެންބަރަށް ޚާއްސަ ގޮނޑިއަށް ކޮންގްރެސް ޕާޓީން ކުރިމަތިލެއްވި ށ. ފުނަދޫ މާބަގީޗާގެ އާމިނަތު ޔުމްނާ ވަނީ އިންތިޚާބު ވެފައިވާކަމަށް އީސީގެ ބަޔާނުގައި ވެއެވެ.

މިފްކޯގެ މީޑިއާ އޮފިޝަލެއް ވިދާޅުވިގޮތުގައި، ގއ. ކޫއްޑޫ މަސް ފެކްޓަރީގައި މަސައްކަތް ކުރަމުންދިޔަ ބިދޭސީން މިދިޔަ ބުރާސްފަތި ދުވަހު ސްކްރީން ކުރުމުން، ތިން ބިދޭސީއަކު ވަނީ ފައިލޭރިއާއަށް ޕޮޒިޓިވް ވެފައެވެ. ފައިލޭރިއާއަށް ޕޮސިޓިވް ވި ތިން މީހުންނަކީވެސް އިންޑިއާއަށް ނިސްބަތްވާ ބިދޭސީންނެވެ. މިހާރު އެ ތިން މީހުންނަށްވެސް ވަނީ ގއ. ވިލިނގިލީގައި ހުންނަ އަތޮޅު ހޮސްޕިޓަލުން ފަރުވާ ދީފައިކަމަށާއި، ތިން މީހުންވެސް ފަރުވާއަށްފަހު މަސައްކަތަށް ނުކުމެފައިވާކަމަށް މިފްކޯގެ އޮފިޝަލް މައުލޫމާތު ދެއްވައެވެ.

ވިއްސާރައިގައި ފެންބޮޑުވެ ގެއްލުންތައްވާ ބައެއް ރަށްތަކަށް އެހީ ޖަމިއްޔާއިން ފެން ހިންދާ ޕަންޕު ހަދިޔާކޮށްފިއެވެ.

މީގެ ފަހުން ރާއްޖެ އިން ބޭރަށް ދާއިރު 10،000 ޑޮލަރަށްވުރެ ގިނައިން ގެންދެވޭނީ އެ މީހަކު އެ ފައިސާ ހޯދީ ކިހިނެއްތޯ ބެލުމަށްފަހުގައި ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހްސާން ވިދާޅުވެއްޖެއެވެ.

2023 ވަނަ އަހަރު ބޭއްވި ރިޔާސީ އިންތިހާބާއި މިދިޔަ މަހު ބޭއްވި 20 ވަނަ ރައްޔިތުންގެ މަޖިލިހުގެ އިންތިހާބު އެމްޑީޕީ އަށް ނާކާމިޔާބީއާއި ކުރިމަތިލާން ޖެހުނީ، ނިމިދިޔަ އެމްޑީޕީ ސަރުކާރުން ރައްޔިތުންނަށް ވީ ވަޢުދު ނުފުއްދުމުން ކަމަށް ކުރީގެ ރައީސް އަދި އެމްޑީޕީގެވެސް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.