ދައުލަތުގެ އިސް މަޤާމުތަކުގައި ތިބޭ ފަރާތްތަކުން ހޯދާ ނުޙައްޤު މުއްސަނދިކަމުގެ މައްސަލަތައް ބެލުމަށް ފަސޭހަކުރުމަށްޓަކައި ދިވެހިރާއްޖޭގެ ޤާނޫނުލްޢުޤޫބާތަށް އިސްލާހެއް ގެނައުމަށް ސަރުކާރުން ނިންމައިފިއެވެ.

ސަރުކާރުން، ހަރަދު ކުޑަކުރަން އަޅާ ފިޔަވަޅުތަކުގެ ސަބަބުން އަންނަ އަހަރުގެ ބަޖެޓުން 6.6 ބިލިއަން ރުފިޔާ ސަލާމަތް ކުރެވޭނެ ކަމަށް ބަޖެޓުގައި ފާހަގަކޮށްފި އެވެ.

އަންނަ އަހަރަށް ދައުލަތުން ލަފާ ކުރާ ބަޖެޓުގައި، ބޯހިޔާވަހިކަމުގެ އައު މަޝްރޫޢު ތަކަށް 1.8 ބިލިއަން ރުފިޔާ ހިމަނައިފިއެވެ. މިއީ މިހާތަނަށް ދައުލަތުގެ ބަޖެޓުން ބޯހިޔާވަހިކަމަށް އެންމެ ބޮޑު ޚަރަދެއް ހިމަނައިގެން އެކުލަވާލެވުނު ބަޖެޓެވެ.

ބިންވެރިޔާ ސްކީމްގެ ދަށުން ގުޅީފަޅުން ދޫކުރެވިފައިވާ ގޯތި ލިބިފައިވާ ފަރާތްތަކުގެ ގުރުއަތުނެގުމާއި ގުޅިގެން ޝަކުވާ ހުށަހެޅުމަށް ހުޅުވާލައިފިއެވެ.

މާދަމާއިން ފެށިގެން ސަރުކާރުގެ އަދި އަމިއްލަ ސިއްހީ ޚިދުމަތްދޭ މަރުކަޒުތަކުން "އައުޓް ޕޭޝަންޓް" ގެ ޚިދުމަތްތައް ހޯދާ ފަރާތްތަކުގެ ތެރެއިން ޕްރައިވެޓް އިންޝުއަރަންސް އޮންނަ ފަރާތްތަކުގެ ބިލްތައް ކުރުމުގައި އިސްކަންދޭނީ ޕްރައިވެޓް އިންޝުއަރަންސް އަށްކަމަށް އެންސްޕާއިން ބުނެފިއެވެ.

ރާއްޖޭން މީހުން ޙައްޖަށް ގެންދަން އިތުރު ކޯޓާތަކެއް ލިބިއްޖެ ނަމަ، އަމިއްލަ ޖަމިއްޔާތަކަށް އެ ފުރުސަތު ދިނުމުގެ ވިސްނުން ގެންގުޅުއްވާ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު މިއަދު ވިދާޅުވެއްޖެއެވެ.

މި ސަރުކާރަކީ ނޫސްވެރިންނަށް ދުލާއި ޤަލަމުގެ މިނިވަންކަން ފުރިހަމައަށް ދޭނެ ސަރުކާރެއްކަމަށާއި، ނޫސްވެރިންގެ ޒިންމާ އަދާކުރަން މި ސަރުކާރުން ފުރިހަމައަށް އެއްބާރުލުންދޭނެކަމުގައި ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް ވިދާޅުވެއްޖެއެވެ.

ސަރުކާރުގެ ޚަރަދުތައް ހަމަޖެއްސުމަށް 1.2 ބިލިޔަން ރުފިޔާގެ ޓްރެޜަރީ ބިލް (ޓީ-ބިލް) ވިއްކުމަށް ނިންމައިފިއެވެ.

އުރީދޫ މޯލްޑިވްސް އިން ހުޅުމާލޭގައި ބާއްވާ ފަން ރަން މި ޑިސެމްބަރ މަހު 20 ވަނަ ދުވަހު ބޭއްވުމަށް ހަމަޖެހިފައިވާކަން އިއުލާނުކޮށް ރެޖިސްޓްރޭޝަންއަށް ހުޅުވާލައިފިއެވެ.

ފިރިހެނަކުވިޔަސް، އަންހެނަކުވިޔަސް، މާތް الله ރުހިވޮޑިގެންނުވާ ގޮތަކަށް ތިމާގެ ހަށިގަނޑު ހާމަކޮށްގެން ކުރާ މަސައްކަތަކުން ލިބޭނެ ޙަޤީޤީ ރީތިނަމެއް، ނުވާ ކަމަށް ރައީސުލްޖުމްހޫރިއްޔާ ޑރ މުހައްމަދު މުޢިއްޒު ވިދާޅުވެއްޖެއެވެ.

ފަލަސްޠީނުގެ ބިމުން ފެންނަމުންދާ އަސަރު ގަދަ މަންޒަރުތަކާއެކު، މޫސާ ޝިފާޢު ކިޔާފައިވާ ”ކަލަކުވޭ ބިރުވެތިވޭ“ މަދަހައިގެ އޮފިޝަލް ވީޑިއޯ ނެރެފިއެވެ. މި މަދަހައިގެ ވީޑިއޯ ނެރެފައިވަނީ އިސްލާމިކް ރިދަމް ޔޫޓިޔުބް ޗެނަލްގައެވެ.

މިސް ޔުނިވާސްގައި ރާއްޖެ ތަމްސީލް ކުރުން ކުށްވެރިކޮށް، އެކަން ހުއްޓާލުމަށް މިނިސްޓްރީ އޮފް ޔޫތް އެމްޕަވާމަންޓް އިންފޮމޭޝަން އެންޑް އާޓްސްއިން ގޮވާލައިފިއެވެ.

ރީތީގެ މުބާރާތް ފަދަ މުބާރާތެއްގައި ބައިވެރިވުމަކީ ބޮޑު އުރެދުމެއް ކަމަށް ދާރިސް ޓީވީގެ ސްޓޭޝަން މެނޭޖަރ ޢަލީ ރަމީޒު ވިދާޅުވެއްޖެއެވެ.

މި ސަރުކާރުގެ ފަސް އަހަރުގެ ދައުރު ނިމޭއިރު، މަހުގެ ސްޓޯރޭޖް ކެޕޭސިޓީ 25،000 ޓަނަށް ވުރެ އިތުރުކުރާނެ ކަމަށް ފިޝަރީޒް މިނިސްޓަރު އަހުމަދު ޝިޔާމް މިއަދު ވިދާޅުވެއްޖެއެވެ.

އައްޑޫސިޓީ ފިޝަރީޒް ކޮމްޕްލެކްސްގެ ކެޕޭސިޓީ ބޮޑުކުރުމުގެ މަސައްކަތަށް ބޭނުންވާ ފައިސާ ހަމަޖެހިފައިވާ ކަމަށާ، އެ މަސައްކަތް އަންނަ އަހަރު ފެށޭނެ ކަމަށް މަސްވެރިކަމާބެހޭ ވަޒީރު އަހުމަދު ޝިޔާމް ވިދާޅުވެއްޖެ އެވެ.

ރީތީގެ މުބާރާތް ތަކުގައި ބައިވެރިވުމަކީ ބޮޑު ފާފައެއް ކަމަށާ، އެކަންކަން ހުއްޓުވެން އޮތް ހުރިހާ ފަރާތަކުން އެކަން ހުއްޓުވަން ޖެހޭނެ ކަމަށް ދީނީ ޢިލްމުވެރިޔާ އައްޝެއިޚް އަބްދުއްސަލާމް ދާވޫދު ވިދާޅުވެއްޖެއެވެ.

މިނިވަން މުއައްސަސާތަކުގެ ތެރެއިން އެންޓި ކޮރަޕްޝަން ކޮމިޝަން (އޭސީސީ)އާއި އިލެކްޝަންސް ކޮމިޝަން (އީސީ)ގެ ރައީސުން އައްޔަން ކުރުމުގެ ބާރު ރައީސުލްޖުމްހުރިއްޔާއަށް ދިނުމަކީ އެ މުއައްސަސާތަކުން އެދިފައިވާ ކަމެއް ކަމަށް، ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް)ގެ މެންބަރު އަދި އީސީގެ ކުރީގެ ނައިބު ރައީސް އިސްމާއީލް ހަބީބް ވިދާޅުވެއްޖެއެވެ.

ދައުލަތުގެ އެއްވެސް ބާރެއްގެ، މިނިވަން މުއައްސަސާއެއްގެ، ނުވަތަ އިންތިޚާބު ކުރެވޭ އެއްވެސް ބައެއްގެ ބާރުތަކުގެ ތެރެއަށް ނުފޫޒު ފޯރުވުމަކީ އެމަނިކުފާނު މިހާތަނަށް ކުރައްވާފައިވާ ކަމެއް ނޫން ކަމަށާއި، ކުރިއަށް އޮތްތަނުގައިވެސް ކުރައްވާނެ ކަމެއް ނޫންކަމަށް ރައީސް މުޙައްމަދު މުޢިއްޒު ވިދާޅުވެއްޖެއެވެ.

ބޭންކް އޮފް މޯލްޑިވްސް (ބީއެމްއެލް) އިން ތިންވަނަ ކުއާޓަރގައި ހިންގުމުގެ ފައިދާގެ ގޮތުގައި 718 މިލިއަން ރުފިޔާ ހޯދައިފިއެވެ.

ރައީސުލްޖުމްޖުމްހޫރިއްޔާ، ޚާރިޖީ ވަޒީރުކަމަށް އައްޔަން ކުރެއްވި، ޑރ. ޢަބްދުالله ޚަލީލާއި މާލީ ވަޒީރުކަމަށް އައްޔަން ކުރެއްވި މޫސާ ޒަމީރުގެ އިތުރުން ސިއްޙީ ވަޒީރުކަމަށް އައްޔަންކުރެއްވި ޢަބްދުالله ނާޡިމް އިބްރާހީމަށް ރައްޔިތުންގެ މަޖިލީހުން ރުހުން ދެއްވައިފިއެވެ.

ދައުލަތުގެ ޚަރަދުތައް ފޫބެއްދުމަށް ރައްޔިތުންގެ މަޖިލީހަށް ހުށައެޅި 5.1 ބިލިޔަން ރުފިޔާގެ ސަޕްލިމެންޓަރީ ބަޖެޓު ރައްޔިތުންގެ މަޖިލީހުންފާސްކޮށްފިއެވެ.

ކުރީ ސަރުކާރުގައި ”ނިދާފައި އޮތުމަށްފަހު“ އެ ސަރުކާރު ނިމެން ވުމުން އެންޓި ކޮރަޕްޝަން ކޮމިޝަން (އޭސީސީ) ހޭލީ، އެތަނުގައި މެންބަރުންގެ ތިބި މީހުންގެ ވަޒީފާގެ ދިފާޢުގައިކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މަޢުރޫފް ޒާކިރު ވިދާޅުވެއްޖެއެވެ.

ރައްޔިތުންގެ ހައްގުގައި، ސިޓީތަކާއި އިދާރީ ދާއިރާތައް ހިންގުމާއިބެހޭ ވަޒީރު އާދަމް ޝަރީފަށް ސިޓީއެއް އަރުވަން ދިޔުމުން، ވަޒީރު ފިއްލަވާފައިވާ ކަމަށް މަޖިލީހުގެ ހިތަދޫ ދެކުނު ދާއިރާގެ މެންބަރު އިބްރާޙީމް ނާޒިލް ވިދާޅުވެއްޖެއެވެ.

ރައީސުލްޖުމްހޫރިއްޔާ ޑރ މުޙައްމަދު މުޢިއްޒު، އެމަނިކުފާނަށް ލިބިދީފައިވާ ބާރުތައް ދޫކުރައްވައި، ރައްޔިތުންނާއި އެ ބާރުތައް ހަވާލުކުރައްވަމުންދާ ކަމަށް މައްޗަންގޮޅީ އުތުރު ދާއިރާގެ މެންބަރު އިބްރާޙީމް މުޙައްމަދު (އިއްބެ ޖަނާބު) ވިދާޅުވެއްޖެއެވެ.

ކުރީގެ ސަރުކާރުން ރޭވުންތެރިކަމެއްނެތި ތައްޔާރުކުރި ގުޅިފަޅުގެ އެލްޔޫޕީ (ލޭންޑް ޔޫސް ޕްލޭން) އިން ފެނިގެންދަނީ ޖާގަ ދަތި ކުޑަކޮށްޓެއްގެ މަންޒަރެއް ކަމަށެވެ.

ލޭޑީސް ފިންގަރސް އަކީ އޭގައި މުހިންމު ގިނަ މާއްދާތަކެއް އެކުލެވޭ އެއްޗެކެވެ. އެހެންކަމުން، އެއީ ކަށީގެ ދުޅަހެޔޮކަމަށް މުހިންމު ތަރުކާރީއެއް ކަމަށް ތަޖުރިބާކާރުން ބުނެއެވެ. ކަށީގެ މައްސަލަތަކަށް ފަރުވާ ދިނުމާ ލޭޑީސް ފިންގަރއާއި ގުޅުވާލާ ސީދާ ސައިންޓިފިކް ހެއްކެއް ނެތް ނަމަވެސް، ލޭޑީސް ފިންގަރ އަކީ ކަށީގެ ޖުމްލަ ދުޅަހެޔޮކަމާއި ސިއްހަތަށް ފައިދާހުރި ވިޓަމިންތަކާއި މިނަރަލްސް އިން މުއްސަނދިވެފައިވާ ތަރުކާރީއެކެވެ.

ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އަދި މިނިސްޓްރީ އޮފް އިސްލާމިކް އެފެއާޒާ ގުޅިގެން އަލްޢަޞްރުގެ ފަރާތުން އިންތިޒާމްކޮށްގެން "ކަލަކުވޭ ބިރުވެތިވޭ" ނަމުގައި ޚާއްސަ ދަރުހެއް ބޭއްވުމަށް ހަމަޖެހިއްޖެއެވެ.

އިލެކްޝަންސް ކޮމިޝަން (އީސީ) އާއި އެންޓި ކޮރަޕްޝަން ކޮމިޝަން (އޭސީސީ) ރައީސުލްޖުމްހޫރިއްޔާގެ ބާރުގެ ދަށަށް ގެނައުމަށް ކުރަމުންދާ މަސައްކަތްތައް ހުއްޓާލުމަށް އެމްޑީޕީން ގޮވާލައިފިއެވެ.

މިދިޔަ ސަރުކާރުގައި 60 ރަށެއްގައި ޕޮލިސް ސްޓޭޝަން އަޅަން ހަވާލު ކުރި އިންޑިއާގެ އިންދިރާ ޕްރްޖެކްޓްސް ކުންފުނިން، އެ ސަރުކާރުގެ އިކޮނޮމިކް މިނިސްޓަރު ފައްޔާޒު އިސްމާއިލްގެ އާއިލީ މަސްލަހަތު އޮންނަ ބިގް ކުންފުނީގެ ހިއްސާ ގަތުމަށް ފަހު މާލޭގޭ ގަލޮޅުގައި ހުންނަ މޫނިމާގެ އިމާރާތް ކުރަމުންދާ ކަމަށް ހޯމްލޭންޑް މިނިސްޓަރު އަލީ އިހުސާން ތުހުމަތު ކުރައްވައިފި އެވެ.

އިލެކްޝަންސް ކޮމިޝަން (އީސީ) އަދި އެންޓި ކޮރަޕްޝަން ކޮމިޝަން (އޭސީސީ) ގެ ރައީސާއި ނައިބު ރައީސް އައްޔަނުކުރުމުގެ ބާރު ރައީސުލްޖުމްހޫރިއްޔާއަށް ދިނުމަށް ހުށަހަޅާފައިވާ ގާނޫނީ އިސްލާހަކީ މިހާރުގެ ސަރުކާރުގެ ސިއްރު އެޖެންޑާގެ ބައެއް ކަމަށް އެމްޑީޕީގެ ރައީސް އަބްދުالله ޝާހިދު ވިދާޅުވެއްޖެއެވެ.