މި ތާރީޚީ ދަތުރަށްފަހު އޮރަޔަން ކެޕްސޫލް ޕެސިފިކް ކަނޑަށް ޖެއްސީ އެމެރިކާގެ ހުޅަނގު އައްސޭރީގެ ގަޑިން މެންދުރުފަހުގެ ވަގުތެއްގައެވެ. މި އުޅަނދު ކަނޑަށް ތިރިކޮށްފައިވަނީ ކެލިފޯނިއާގެ ސެން ޑިއޭގޯގެ އައްސޭރިފަށާ ދުރު ސަރަހައްދަކަށެވެ.

އާސަންދައިގެ ދަށުން އަތޮޅުތެރޭގައި ގާއިމްކޮށްފައިވާ އިންޓަރނޭޝަނަލް އެއާޕޯޓްތަކުން ފުރޭގޮތް ހެދުމުގެ ސިޔާސަތެއް އެކުލަވާލުމަށް ކަމާބެހޭ ފަރާތްތައް އެކުވެ މަޝްވަރާތައް ބޭއްވުން އެއީ ވަރަށް މުހިންމު ކަމެއް

މި މައްސަލައާ ގުޅިގެން އަޙްމަދު މޫސާގެ މައްޗަށް ޤާނޫނުލް ޢުޤޫބާތުގެ ދަށުން ޚިޔާނާތްތެރިވުމުގެ ކުށުގެ 42 ދަޢުވާއެއް އުފުލައި، ކްރިމިނަލް ކޯޓަށް ހުށަހަޅާފައިވަނީ 2021 ވަނަ އަހަރުގެ މެއިމަހުގެ 30 ވަނަ ދުވަހު

އެގޮތުން، ޑައިމޯފިން ޓްރެފިކް ކުރުމުގެ ކުށް ސާބިތުވެ، ސ. ފޭދޫ، ޝީރާޒީގެ، ޢަލީ ސާއިމް (32އ) 12 އަހަރާއި 6 މަސްދުވަހުގެ މުއްދަތަށް ޖަލަށްލުމާއެކު، 50,000 (ފަންސާސް ހާސް) ރުފިޔާއިން ޖޫރިމަނާކުރުމަށް ކްރިމިނަލް ކޯޓުން ވަނީ ހުކުމް ކޮށްފައެވެ.

މެކްރޮން ބަޔާންކުރެއްވި ގޮތުގައި ލުބުނާނުގެ މިހާރުގެ ހާލަތަކީ ވަރަށް ނާޒުކު ހާލަތެކެވެ. އެހެންކަމުން، އެމެރިކާ އާއި އީރާނާ ދެމެދު ވެވުނު ސުލްހައިގެ އެއްބަސްވުމުގެ ތެރޭގައި ލުބުނާނު ވެސް ހިމަނަން ޖެހޭ ކަމަށް ބުނެ އޭނާ ވަނީ ބާރުއަޅުއްވާފައެވެ. ލުބުނާނުގެ މަސްރަހު ހަމައަކަށް ނޭޅި، މުޅި ސަރަހައްދަށް ދާއިމީ ސުލްހައެއް ނާންނާނެ ކަމަށް ފަރަންސޭސިވިލާތުން ދެކެއެވެ.

އާރިފް ފެނަކަ ޑީ.އެމް.ޑީ އަކަށް އައްޔަންކުރީ މިދިޔަ އަހަރު ޖެނުއަރީ 28 ގައެވެ. އަދި މިއަދުގެ ވަގުތެއްގައި އޭނާ ވަނީ މަގާމުން ވަކިކޮށްފައެވެ.

ފެނަކަ ސީ.އެފް.އޯ ގެ މަގާމަށް ޖިހާދު އައްޔަނު ކުރީ މިދިޔަ އަހަރުގެ ސެޕްޓެމްބަރު މަހުގެ 2 ވަނަ ދުވަހުގައެވެ. އޭނާ އެ މަގާމަށް އައްޔަނު ކުރީ އަބްދުﷲ ވަހީދު ސީ.އެފް.އޯ ގެ މަގާމުން އިސްތިއުފާ ދިނުމުންނެވެ.

ހަނދަށް ދަތުރުކުރަމުންދާ މި ކުރޫއިން ވަނީ 1970 ވަނަ އަހަރުގެ އެޕޯލޯ 13 މިޝަންއިން ގާއިމްކޮށްފައިވާ 248,655 މޭލުގެ ރެކޯޑް ފަހަނައަޅައި ގޮސްފައެވެ.

މިނިސްޓަރު ނާޒިމް ވިދާޅުވި ގޮތުގައި ސިއްހީ ދާއިރާގެ ގިނަ މަސައްކަތްތަކެއް މިހާރުވެސް ކުރިއަށްދަނީ ސައިންޓިފިކް ހޯދުންތަކަށް ބަރޯސާވެގެންނެވެ. އޭގެ ތެރޭގައި ޕްރައިމަރީ ހެލްތު ކެއާ، ޕްރިވެންޓިވް ކެއާ، ދުންފަތުގެ ވަބާއިން ސަލާމަތްކުރުން، އަދި ގައިންގަޔަށް ނާރާ ބަލިތައް ދުރާލާ ދެނެގަތުން ހިމެނެއެވެ. މީގެ އިތުރުން ޓީބީ އާއި އެޗްއައިވީ ފެތުރުން ހުއްޓުވުމާއި، ވެކްސިން ދިނުމާއި، ޓެލެ މެޑިސިން ފަދަ ޒަމާނީ ހިދުމަތްތަކަކީ ވެސް މެޑިކަލް ސައިންސްގެ ހެކިތަކުގެ މައްޗަށް ބިނާކޮށް އެކުލަވާލާފައިވާ ސިޔާސަތުތަކެއްކަން އޭނާ ބަޔާންކުރެއްވިއެވެ.

ކަސްޓަމްސްއިން ހާމަކުރި ގޮތުގައި، އެއާޕޯޓުން އަތުލައިގަތް ތަކެތީގެ ބަރުދަނުގައި ޖުމްލަ ދެ ކިލޯއަށް ވުރެ ގިނަ މަސްތުވާތަކެތި ހުއްޓެވެ. ތަހުލީލުތަކުން ދައްކާގޮތުގައި މިއީ މަސްތުވާތަކެތީގެ ބާވަތެއް ކަމަށްވާ ހަޝިޝް އޮއިލްއެވެ.

މިފްކޯއިން ހާމަކޮށްފައިވާ ގޮތުގައި މަސްދަޅުގެ އަގަށް ބަދަލު ގެންނަން ޖެހުނު މައިގަނޑު ސަބަބަކީ ދުނިޔޭގެ ބާޒާރުގައި ތެލުގެ އަގަށް އައިސްފައިވާ ބަދަލުތަކެވެ. މެދުއިރުމަތީގައި ހިނގަމުންދާ ހަމަނުޖެހުންތަކާ ގުޅިގެން ދުނިޔޭގެ ބާޒާރުގައި ތެލުގެ އަގު އުފުލިފައިވާތީ، މަސްދަޅު އުފެއްދުމަށް ހިނގާ ޚަރަދު ވަރަށް ބޮޑަށް މައްޗަށް ގޮސްފައިވާ ކަމަށް އެ ކުންފުނިން ފާހަގަކުރެއެވެ.

މި އުޅަނދުގައި ތަފާތު 16 ޤައުމަކަށް ނިސްބަތްވާ 39 ފަޅުވެރިން ބައިވެރިވެއެވެ. އޭގެ ތެރޭގައި ދިވެހިރާއްޖޭގެ ޤައުމީ ދިފާޢީ ބާރު (އެމް.އެން.ޑީ.އެފް) ގެ ސިފައިންވެސް ހިމެނޭކަން ފާހަގަކޮށްލެވެއެވެ. މިފަދަ ބައިނަލްއަޤްވާމީ ވަފުދަކާއެކު މި އުޅަނދު ރާއްޖެއަށް އައުމަކީ ދެ ޤައުމުގެ ދެމެދުގައި އޮތް ގުޅުން ހާމަކޮށްދޭ ކަމެކެވެ.

މި ދަތުރުފުޅުގެ މެހުމާންދާރީއާއި ހުރިހާ ޚަރަދެއް ހަމަޖައްސަވައިދެއްވަނީ ސަޢޫދީޢަރަބިއްޔާގެ ސަރުކާރުން ކަން ރައީސް އޮފީހުން މައުލޫމާތު ދެއެވެ. މީގެ އިތުރުން، ދަތުރުފުޅާ ގުޅޭ މި ހުރިހާ ކަމެއްވަނީ މިދިޔަ ފެބުރުވަރީމަހުގެ ކުރީކޮޅު ހަމަޖައްސައިފާކަން ރައީސް އޮފީހުން ބުނެއެވެ.

ފުލުހުންގެ ތަހުގީގުތަކުން ހާމަވެފައިވާ ގޮތުގައި، މި ސްކޭމް ހިންގާ މީހުން އެންމެ ފުރަތަމަ ބަލަނީ ފޭސްބުކްގައި ވިއްކާލެވިފައިވާ ކަމަށް ޖަހާފައިވާ ތަކެއްޗަށެވެ. އެއަށްފަހު އެ ތަކެތި ވިއްކި ފަރާތްތަކަށް ގުޅައި، އެއީ އެ މީހުން މަރާމާތުކޮށްދިން އެއްޗެއް ކަމަށް ބުނެ އޮޅުވާލައިގެން މުދާ ވިއްކި މީހާގެ އިތުބާރު ހޯދުމަށް މަސައްކަތް ކުރެއެވެ. މިއީ މަކަރާއި ހީލަތުން ފައިސާ ފޭރުމަށްޓަކައި ވަރަށް ބޮޑަށް ރާވައިގެން ހިންގާ އަމަލެއްގެ ގޮތުގައި ފުލުހުން ވަނީ ސިފަކޮށްފައެވެ.

މިއީ ސީދާ ޓްރަމްޕްގެ ސިޔާސަތުތަކަށާއި އޭނާ ކުރައްވާ އަމުރުތަކަށް ގޮންޖަހައި، ބައިނަލްއަޤްވާމީ މައިދާނުގައި އެމެރިކާގެ ނުފޫޒު ކުޑަކޮށްލުމަށް ދިން ބަހުގެ ހަމަލާއެކެވެ. އީރާނުން މިމޭރުމުން ވާހަކަ ދެއްކީ ހޯރްމުޒް ކަނޑުއޮޅީގެ ކޮންޓްރޯލް އެގައުމުގެ އަތްމަތީގައި އޮތްކަން ހަނދާންކޮށްދެމުންނެވެ.

މި މީމްތަކުގައި ގިނައިން ފާހަގަކޮށްލެވެނީ ހުޅަނގުގެ ގައުމުތަކާއި އިޒްރޭލުގެ އަސްކަރީ ބާރަށް ގޮންޖަހައި، އެ ފަރާތްތަކުގެ ނުފޫޒު ކުޑަކޮށް ދެއްކުމަށް މަސައްކަތްކޮށްފައިވާ މަންޒަރުތަކެވެ. މިސާލަކަށް، މަޝްހޫރު ފިލްމުތަކުގެ މަންޒަރުތަކާއި، ކާޓޫން ކެރެކްޓަރުން ބޭނުންކޮށްގެން ހަނގުރާމައިގެ މައިދާނުގައި ހިނގާ ހާދިސާތަކަށް މަލާމާތްކުރުން ހިމެނެއެވެ. މިއީ ޑިޕްލޮމެޓިކް މުއާމަލާތްތަކުގައި ފެންނަ އާދަޔާ ހިލާފު، އަދި ބައެއް ފަރާތްތަކުން "މަގްބޫލުކަން ހޯދުމަށް" ކުރާ ކަމެއްގެ ގޮތުގައި ވެސް ސިފަކުރެއެވެ.

މިފްކޯގެ ސީނިއާ މެނޭޖާ ޕަބްލިކް ރިލޭޝަންސް ޝިފްޒާ މުސްތަފާ ބުނި ގޮތުގައި، މިހާރު ހެނދުނު 8:00 އިން ހަވީރު 4:00 އަށް އޮންނަ ރަސްމީ ގަޑި، މާދަމާއިން ފެށިގެން މެންދުރުފަހު 2:00 އަށް ވަނީ ކުރުކޮށްފައެވެ. މި ބަދަލަކީ ބައިނަލްއަގުވާމީ މަސްރަހުގައި ހިނގަމުންދާ ހަމަނުޖެހުންތަކުގެ ސަބަބުން ކުންފުންޏަށް ކުރިމަތިވެދާނެ މާލީ ގޮންޖެހުންތަކުން އަރައިގަތުމަށް އެޅި ފިޔަވަޅެކެވެ.

އީރާނުގެ މީޑިއާތަކުން ރިޕޯޓްކޮށްފައިވާ ގޮތުގައި، މި ހަމަލާގެ ސަބަބުން ޔުނިވަރސިޓީގެ ގޭސް ސްޓޭޝަނަށް ވަނީ ވަރަށް ބޮޑަށް ގެއްލުން ވެފައެވެ. މީގެ ސަބަބުން އެ ސަރަހައްދުގެ ގޭހުގެ ހިދުމަތް މެދުކެނޑި، އާންމު ދިރިއުޅުމަށް ވަނީ ދަތިތަކަކާ ކުރިމަތިލާން ޖެހިފައެވެ.

ޒަމާނުށްސުރެ "ކޮތަރު ޕާކް" ގެ ނަމުން މަޝްހޫރު ޖުމްހޫރީ މައިދާނަށް ގިނަބަޔަކު ހަވީރު ވަގުތު ގޮސް ކޮތަރުތަކަށް ކާންދީ ހަދައެވެ. ނަމަވެސް، މި އަހަރު ކުރީކޮޅު ޖުމްހޫރީ ޕާކް ހަދާ ނިންމައި ހުޅުވާލުމަށްފަހު ކޮތަރުތަކަށް ކާންދިނުން ވަނީ މަނާ ކޮށްފައެވެ.

މާލެ ސިޓީގެ މޭޔަރުކަމުގެ ގޮނޑި އެމްޑީޕީގެ ކެންޑިޑޭޓް އާދަމް އާޒިމް ދިފާއުކުރެއްވީ ބޮޑު ތަފާތަކުންނެވެ. އާޒިމް ވަނީ ސަރުކާރު ހިންގާ ޕީއެންސީގެ ކެންޑިޑޭޓް މޫސާ އަލީ ޖަލީލުގެ މައްޗަށް ކުރިހޯއްދަވާފައެވެ. މިއީ މާލޭގެ ރައްޔިތުން ސަރުކާރުގެ ސިޔާސަތުތަކަށް ނޫނެކޭ ބުނި ބުނުމެއްގެ ގޮތުގައި ސިޔާސީ މަސްރަހު ދިރާސާކުރާ ފަރާތްތަކުން ސިފަކުރެއެވެ.

އިލެކްޝަން ކޮމިޝަނުން ދެންމެ ނެރުނު ތަފާސްހިސާބުން ދައްކާގޮތުން، މިހާރު ވޯޓު ލާފައިވަނީ 131947 މީހުންނެވެ. އެއީ ވޯޓުލުމުގެ ހައްގު ލިބިގެންވާ މީހުންގެ ތެރެއިން 44.75 އިންސައްތަ މީހުންނެވެ.

ފުލުހުން ވިދާޅުވާ ގޮތުގައި، މި ހާދިސާގައި އަސަރުކުރި މީހުންނަށް ފަރުވާދިނުމަށްފަހު އެމީހުންގެ ހާލަތު މިހާރު އަންނަނީ ރަނގަޅުވަމުންނެވެ.