ބައިނަލްއަގުވާމީ ޤާނޫނުތައް ދައުލަތް ތަމްސީލުކުރަން ހުންނެވި ބަންޑާރަ ނައިބަށް (އިބްރާހިމް ރިއްފަތަށް) އެނގިވަޑައި ނުގަންނަވާތީ ހިތާމަކުރައްވާ ކަމަށް ކުރީގެ ބަންޑާރަ ނައިބު އާޒިމާ ޝުކޫރު ވިދާޅުވެއްޖެ އެވެ.

ދިވެހިރާއްޖޭގެ ކަނޑުގެ ސަރަހައްދުން ގެއްލުނު ބައި އަނބުރާ ނުހޯދޭނެކަމަށް ބުނެ ވާހަކަދައްކަނީ އޮޅުވާލުމަށްކަމަށް ކުރީގެ ބަންޑާރަ ނައިބު ޑރ މުޙައްމަދު މުނައްވަރު ވިދާޅުވެއްޖެ އެވެ.

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހުގެ ވެރިކަން ނިމި ދެން އުފެދޭ ވެރިކަމެއްގައި މި ސަރުކާރުގެ އިހުމާލުން ދިވެހިރާއްޖޭގެ ކަނޑުގެ ސަރަހައްދުން ގެއްލިގެން ދިޔަ ބައި ހޯދާނެކަމަށް ކުރީގެ ހޯމް މިނިސްޓަރު އަދި ރިޔާސީ އިންތިޚާބަށް ކުރިމަތިލައްވާނެކަން އިއުލާނު ކުރައްވާފައިވާ އުމަރު ނަސީރު ވިދާޅުވެއްޖެ އެވެ.

ޤައުމީ އުފެެއްދުންތެރިކަން، ނުވަތަ ދައުލަތުގެ ނޮމިނަލް ޖީޑީޕީ ފުރަތަމަ ފަހަރަށް 100 ބިލިއަން ރުފިޔާއަށް މިއަހަރު އަރާނެކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.

ވެރިކަމަކީ ކުރިމަތިކުރުވާ ހޯމް މިނިސްޓަރު އަދި ސަރުކާރު ކޯލިޝަންގެ ހިއްސާދަރެއް ކަމަށްވާ އަދާލަތު ޕާޓީގެ ރައީސް އިމްރާނު އަބްދުﷲ ސިފަކުރައްވައިފި އެވެ.

މި އަހަރަށް ކަނޑައަޅާފައިވާ ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) ގެ ބަޖެޓުގެ 55 އިންސައްތަ ހުސްވެފައިވާކަން ފިނޭންސް މިނިސްޓްރީެ ތަފާސް ހިސާބުތަކުން ހާމަވެއްޖެ އެވެ.

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހުގެ މި ސަރުކާރަށް ހެޔޮބަހެއް ބުނަނީ ސިޔާސީ މަޤާމުތަކުގައި ތިއްބެވި މަދުބައެއް ކަމަށް ސަރުކާރު ހިންގާ މައި ޕާޓީ އެމްޑީޕީގެ ޕީޖީ ގުރޫޕުގައި ހިމެނިވަޑައިގަންނަވާ މަޖިލީހުގެ މެދު ހެންވޭރު ދާއިރާގެ މެމްބަރު އަލީ އާޒިމް ވިދާޅުވެއްޖެ އެވެ.

އެމްޑީޕީ އިސްވެ އޮވެ ހިންގާ ކޯލިޝަން ސަރުކާރުން ޔޫތު މިނިސްޓަރު އަހުމަދު މަހުލޫފަށް ޖެއްލި ޙާލަށް ހަމްދަރުދީވާ ކަމަށް ރައްޔިތުންގެ މަޖިލީހުގެ މަހިބަދޫ ދާއިރާގެ މެމްބަރު އަހުމަދު ތާރިގު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރަށް ހަމަލާދިން މައްސަލައާއި ގުޅިގެން ދެ މީހުން ހައްޔަރުކޮށްފި އެވެ.

ނަރުހުންގެ ތައުލީމަށް އިންވެސްޓުކުރުމަކީ ދިވެހިރާއްޖޭގެ ސިއްޙީ ނިޒާމު ހަރުދަނާކުރުމަށް އެޅޭނެ މުހިންމު ފިޔަވަޅެއްކަމަށް ޖުމްހޫރީ ޕާޓީގެ ރައީސް އަދި އެ ޕާޓީގެ ރިޔާސީ ކެންޑިޑޭޓު ޤާސިމް އިބްރާހިމް ވިދާޅުވެއްޖެ އެވެ.

ދެމެހެއްޓެނިވި ގޮތެއްގައި ކާއްޓާއި ކުރުބާ ލިބޭނީ ރުކުގެ އާބާދީ އިތުރުކޮށްގެން ކަމަށްވާތީ މިނިސްޓްރީ އޮފް ފިޝަސީސް އެންޑް އެގްރިކަލްޗާއިން ރުއް އާލާ ކުރުމުގެ ޕްރޮގްރާމެއް ފަށައިފި އެވެ.

މިއަދު ހެނދުނު 10:40 ހާއިރު ކ.ގާފަރުން ފުރައިގެން ބ.ދަރަވަންދޫއަށް ދަތުރުކުރި "ޖަންބޯ" ނަމަކަށް ކިޔާ ދޯނި ގެއްލިގެން ހޯދުމަށް ހިންގި އޮޕަރޭޝަންގެ ތެރެއިން އެ ދޯނިން ދަތުރުކުރި ދެ މީހުން ކަނޑުވެފައި ތިއްބާ ސަލާމަތްކޮށްފިއެވެ.

ކުޑަކުދިންގެ ދުވަހާއި ގުޅިގެން ރޮބޯމޭންއާއި ޝަލަބީ އާއެކު ހިޔާ ސަރަހައްދުގައި "ހިޔާ ކުޑަކުދިންގެ ހަވީރު 1444" ގެ ނަމުގައި ވަރަށް ޚާއްސަ ކުޑަކުދިންގެ ހަވީރެއް ބާއްވަން ނިންމައިފި އެވެ.

މޯލްޑިވްސް ޓްރާންސްޕޯޓު އެންޑް ކޮންޓްރެކްޓިން ކޮންމެޕީ )އެމްޓީސީސީ) އަށް މިއަހަރު ލިބުނު ފައިދާއިން ހިއްސާއަކަށް 4 ރުފިޔާގެ މަގުން 32 މިލިއަން ރުފިޔާ ބެހުމަށް އެ ކުންފުނީގެ އަހަރީ އާންމު ޖަލްސާއިން ފާސްކޮށްފި އެވެ.

ރިސޯޓުތަކުގެ ހައުސް ކީޕިން ދާއިރާގެ ކަންކަން ކުރިއަރުވާ ތަރައްގީ ކުރުމަށް ރާއްޖޭގައި ރަޖިސްޓާ ކޮށްގެން ހިންގާ މޯލްޑިވްސް ހައުސް ކީޕާސް އެސޯސިއޭޝަން (އެމް.އެޗް.އޭ) ގެ މުހިންމު ޕްރޮގްރާމެއް ހިންގުމަށް 23 ބައިވެރިންނާއެކު މުންބާއީއަށް ފުރައިފި އެވެ.

ސިޔާސީ ޚިޔާލުތަފާތުވުންތަކަކީ ޤައުމީ ކަންކަމުގައި ގެންގުޅޭ ވިސްނުން ތަފާތުވާން ޖެހޭ ސަބަބެއް ނޫން ކަމަށް އިދިކޮޅު ކޯލިޝަން ވަގުތީގޮތުން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެ އެވެ.

ފޮރިން މިނިސްޓަރު އަބްދުﷲ ޝާހިދުގެ އިތުބާރު ނެތްކަމުގެ މައްސަލަ މަޖިލީހަށް ހުށައަޅަން ބޭނުންވާ އަދަދަށް މެމްބަރުންގެ ސޮއި ހަމަކުރެވިފައިވާކަމަށް ފޯޅަވަހި މައްސަލައިގައި ގުޅިގެން މަސައްކަތް ކުރުމަށް އެކުލަވާފައިވާ ގުޅިފައިވާ ސިޔާސީ ޕާޓީތަކުގެ ޕީޖީ ގުރޫޕުން ހާމަކޮށްފި އެވެ.

ދައުރުގެ ފަހު އަހަރު ހުޅުމާލެ ދެވަނަ ދިޔަވަހީގައި ކުރީ ސަރުކާރުން އަޅާފައިވާ ހިޔާ ފްލެޓުތަކުގެ ކުއްޔަށް ސަރުކާރުން ލުއިދިނީ ފަހަރެއްގައި ވެސް ރިޔާސީ އިންތިޚާބު ބޯމަތިވުމުން ނޫން ކަމަށް ޕްލޭނިންގ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވެއްޖެ އެވެ.

ދައުލަތުގެ ބަންޑާރަ ނައިބަކީ ބަޔަކު ހަދާހާ "ޑީލެއް" ދިފާއުކުރައްވަން ހުންނަވާ ފަރާތެއް ނޫން ކަމަށް މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން (ޖުމްހޫރީ ޕާޓީ) ވިދާޅުވެއްޖެ އެވެ.

ބަންޑާރަނައިބު އިބްރާހިމް ރިއްފަތުގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމަށް ގުޅިފައިވާ ސިޔާސީ ޕާޓީތަކުން ނިންމައިފި އެވެ.

ހުޅުމާލޭގެ ދެވަނަ ފިޔަވަހީގެ ފަޅު ހިއްކައިގެން ދިވެހިރާއްޖެއަށް ދިމާވެފައިވާ ބޯހިޔާވަހިކަމުގެ މައްސަލައަށް ޙައްލެއް ނުލިބޭނެ ކަމަށާއި، އެކަން އެގޮތަށް ކުރުމުގެ ސަބަބުން އަނެއްކާވެސް އުފެދިގެންދާނީ މާލެ ފަދަ އިތުރު ސްލަމް ސިޓީއެއް ކަމަށް ބޯހިޔާވަހިކަމުގެ ހައްޤު ކަށަވަރުކޮށްދިނުމަށް މަސައްކަތް ކުރާ ޖަމުއިއްޔާއެއް ކަމަށްވާ އާންމުންގެ އެކުވެރި ގުޅުން ޖަމުއިއްޔާއިން ބުނެފި އެވެ.

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ދަތުރުފުޅު ކުރެއްވި މޮޓޯކޭޑަށް ބަޔަކު ހުރަސް އެޅި މައްސަލާގައި، ރައީސުލްޖުމްހޫރިއްޔާގެ ސަލާމަތީ ކަންކަމުގެ އެންމެ އިސް ވެރިއެއްގެ ގޮތުގައި އޭރު ހުންނެވި ކާނަލް ޢަބްދުﷲ އިބްރާހީމްގެ އެއްވެސް އިޙްމާލެއް ނެތްކަމަށް ޤައުމީ ދިފާއީ ބާރުން ނިންމައިފި އެވެ.

އަހަރުގެ ހުރިހާ ދުވަހަކު ކުޑަކުދިންނަށް ލޯތްބާއި އަޅާލުން ދޭން ޖެހޭކަމަށް ކުރީގެ ރައީސް މައުމޫނު އަބްދުލްފައްޔޫމު ވިދާޅުވެއްޖެ އެވެ.

ދިމާވި ޓެކްނިކަލް މައްސަލައަކާއި ގުޅިގެން ޕާސްޕޯޓު ހެދުމުގެ ޚިދުމަތް ވަގުތީގޮތުން މެދުކަނޑާލާފައިވާކަމަށް މޯލްޑިވްސް އިމިގްރޭޝަނުން ހާމަކޮށްފި އެވެ.

ޗާގޯސްއާއި ދިވެހިރާއްޖެއާއި މދެމެދު ފުށުއަރާ ކަނޑުގެ ސަރަހައްދެއް އޮތްކަމަށް ބުނެ އިޓްލޮސް އަށް ހުށައެޅި މައްސަލަ ނިންމިއިރު އެ ކޯޓުން ރައީސް އިބްރާހިމް މުޙައްމަދު ޞާލިހު މޮރިޝަސްގެ ބޮޑުވަޒީރަށް ފޮނުވި ސިޓީއަަށް ހަވާލާ ދީފައި ނުވާކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބރު އިބްރާހިމް ޝަރީފު ވިދާޅުވެއްޖެ އެވެ.

ދަރަންޏަކީ މިހާރު ސަރުކާރުން ވާހަކަދައްކަން ބޭނުންވާ މައުލޫއެއް ނޫން ކަމަށް ކުރީގެ އިކޮނޮމިކް މިނިސްޓަރު އަދި ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުޙައްމަދު ސައީދު ވިދާޅުވެއްޖެ އެވެ.

ރ. ފުއްގިރި މައްސަލައިގައި ޝަރީއަތުގެ ކުރިން ހުށައަޅާ ހުށައެޅުންތަކާއި ގުޅިގެން ވާދަވެރި ސިޔާސީ ލީޑަރު ރައީސް އަބްދުالله ޔާމީން އަބްދުލްގައްޔޫމުގެ ފަރާތްޕުޅުން ސުޕްރިމް ކޯޓަށް ހުށައެޅި އިސްތިއުނާފުގެ އަޑުއެހުންތައް ނިންމާލައިފި އެވެ.

ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިހުގެ ސަރުކާރުގެ އިހުމާލުން ދިވެހިރާއްޖޭގެ ކަނޑުގެ ސަރަހައްދުން ބައެއް ގެއްލިގެން ދިޔަކަމަށް ބުނާ މައްސަލައާއި ގުޅިގެން ޕްރޮގްރެސިވް ކޮންގްރެސް ކޯލިޝަނުން އެމްޑީޕީގެ ރައީސް މުޙައްމަދު ނަޝީދާއި، އެމަނިކުފާނު އުފައްދަވާފައިވާ ފިކުރެއްގެ ދިރުން ގޮތްޕާއެކު މަޝްވަރާ ބައްދަލުވުމެއް ކުރިއަށް ގެންގޮސްފި އެވެ.

ރައީސުލްޖުމްޙޫރިއްޔާ އިބްރާޙިމް މުޙައްމަދު ޞާލިހު ވެރިކަމުގެ ދެވަނަ ދައުރެއް ހޯއްދެވުމަށް މަސައްކަތްޕުޅު ކުރައްވަމުން ގެންދަވާތީ ކުރީގެ ބަންޑާރަނައިބު ޑރ މުނައްވަރު ބޮޑެތި ފާޑުކިޔުންތަކެއް އަމާޒުކުރައްވައިފި އެވެ.

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު މޮރިޝަސްގެ ބޮޑުވަޒީރަށް ފޮނުއްވި ސިޓީފުޅާއި، ރާއްޖޭގެ ސަރަހައްދީ އިން ކަނޑައެޅުމާ ގުޅޭ ގޮތުން ޖަރުމަނުގައި ހުންނަ އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)ގައި ކުރިއަށް ދިޔަ މައްސަލައާއި އެއްވެސް ގުޅުމެއް ނެތްކަމުގައި ވާނަމަ، މޮރިޝަސްގެ ފަރާތުން ކޯޓަށް އެ ސިޓީ ހުށައަޅަން ވެސް ނުޖެހުނީސްކަމަށް ކުރީގެ ބަންޑާރަނައިބު ޑރ މުޙައްމަދު މުނައްވަރު ވިދާޅުވެއްޖެ އެވެ.